မွေးမေကျေးဇူးဆပ်ဖူးချင်ပါသည်။

ကျွန်တော်အရမ်းပျော်ပါသည်။ကျွန်တော့ဘဝမှာဒီနေ့ဟာဆိုရင်ကြီးမားတဲ့အောင်မြင်မှု့ကြီးတစ်ခုကိုရရှိပိုင်ဆိုင်လိုက်နိုင်တဲ့တကယ်ထူးခြားတဲ့နေ့တစ်နေ့ဖြစ်ပါသည်။ကျွန်တော့အမေဖြစ်စေချင်သလိုဆရာဝန်တကယ်ဖြစ်တဲ့နေ့ပါ။အမေ့ရဲ့ရည်မှန်းချက်နဲ့ဆန္ဒတွေတကယ်ဖြစ်ခဲ့ပြီ။ကျွန်တော်အခုရတဲ့ဆရာဝန်ဘွဲ့ဟာလည်းနယ်နယ်ရရမှမဟုတ်တာ။အမေရိကားမှာနေပြီးဆေးကျောင်းတက်လို့ရလာတဲ့ဆရာဝန်ဘွဲ့ပါ။ဒီနေ့ဘွဲ့ယူတဲ့အခမ်းအနားမှာတော့ကျွန်တော့မိဘဆိုလို့ဘယ်သူမှမပါရှိနိုင်ပါဘူး။မိဘတွေကမြန်မာပြည်မှာဝန်ထမ်းပင်စင်လေးရယ်ရှိတာလေးတွေထုခွဲရောင်းချပြီးကျွန်တော့ကိုပံ့ပိုးနေကြရတာပါ။ကျွန်တော်ကလည်းမိဘမောင်နှမတွေပို့သမျှနဲ့အိမ်လခ၊ကျောင်းစရိတ်၊စားဝတ်နေရေးကိုအဆင်ပြေအောင်တော်တော်ချိုးခြံချွေတာခဲ့ရတာပါ။တစ်ဘက်ကနေအချိန်ပိုင်းအလုပ်လုပ်သလိုပညာရေးမှာထူးချွန်ထက်မြက်သူတွေကိုထောက်ပံ့တဲ့အစီအစဉ်နဲ့လည်းအကူအညီရယူခဲ့ရပါတယ်။မြန်မာပြည်သားတစ်ယောက်အနေနဲ့ယူအက်အေလိုအင်ပါယာကြီးတဲ့အပြင်၊ဆေးလောကမှာထိပ်ဆုံးကဖြစ်တဲ့တိုင်းပြည်တစ်ခုကနေဆရာဝန်လက်မှန်ရတဲ့နေ့လို့တွေးမိတိုင်းရင်ထဲမှာကြက်သီးထသလိုဖြစ်ပြီးကိုပျော်နေမိပါတယ်။သူများတွေကမိစုံဖစုံနဲ့တက်ရောက်ကြပေမဲ့ကျွန်တော့မှာတော့တစ်ယောက်တည်းမို့အားငယ်သလိုဖြစ်မိတာကလွဲလို့ဝမ်းသာလုံးဆို့နေတာကပိုပါတယ်။ကျွန်တော်ဘွဲ့ယူနေချိန်မှာကျွန်တော့်နာမည်ကြေညာတာကအစ၊ဘွဲ့လက်မှတ်ကိုယူပြီးစတိတ်စင်ကနေပြန်ဆင်းလာပြီးထိုင်တဲ့အထိတခုမှမလွှတ်တမ်းဗွီဒီယိုနဲ့ကော၊ဓါတ်ပုံနဲ့ကောမလွှတ်တမ်းမှတ်တမ်းတင်နိုင်ခဲ့လို့လည်းအရမ်းကိုပျော်နေမိပါတယ်။အခမ်းအနားပြီးတာနဲ့ဗွီဒီယိုတွေဓါတ်ပုံတွေပါတဲ့ဖိုင်နဲ့ဘွဲ့လက်မှတ်ကိုသေသေချာချာသိမ်းဆည်းလိုက်တယ်။ဆရာသမားတွေနဲ့အတန်းဖေါ်တွေအသိမိတ်ဆွေတွေကိုလိုက်နုတ်ဆက်လိုက်ပြီးအခန်းကိုပြန်ဖို့ကားပတ်ကင်လက်ကိုခပ်သွပ်သွပ်လေးအပြေးတပိုင်းနဲ့သုတ်ခြေတင်ခဲ့လိုက်တော့တယ်။ဘွဲ့ယူတဲ့နေရာနဲ့အခန်းနဲ့ကမိနစ်၂၀ကျော်လောက်မောင်းရတာကိုး။ပြီးခဲ့တဲ့၆လလောက်ကတည်းကအမေနဲ့ဖုန်းမပြောဖြစ်တော့ဘူး။အမေကကျွန်တော့ကိုစကားမပြောချင်ဘူးလို့အိမ်ကညီကိုမောင်နှမတွေပြောပြလို့သိရတယ်။ဘာကြောင့်လဲတော့ဘယ်သူမှတိတိကျကျမပြောနိုင်ကြ။ကျွန်တော်ထင်တာကတော့ကျွန်တော့ကိုစာကိုဖိဖိစီးစီးလုပ်စေချင်လို့ပဲထင်ပါတယ်။နောက်တစ်ခုကကျွန်တော်နှင့်မြန်မာပြည်ကသူငယ်ချင်းတွေအဆက်အသွယ်ရှိကြတာလည်းအမေကသိပ်မကြိုက်ချင်။အထူးသဖြင့်အတန်းဖေါ်မိန်းကလေးများနှင့်အဆက်အသွယ်ရှိနေတာကိုအမကြီးဆီကတဆင့်သိလို့လည်းစိတ်ပူသဝင်တိုနေတာဖြစ်နိုင်တာပဲ။သေချာတာကတော့ကျွန်တော့ကိုအမေကအရမ်းချစ်သည်။မလွဲသာလို့သာခွဲခွါနေရသည်အတူနေရင်သူ့ရှေ့မှာကလေးတစ်ယောက်လိုပဲကျွန်တော့ကိုမြင်နေဆဲဖြစ်ပါသည်။ကျွန်တော်ကအိမ်မှာဆိုနို့ညှာခေါ်မလား၊အမကြီးရယ်ကျွန်တော်ရယ်ညီလေးရယ်မောင်နှမသုံးရောက်။ကျွန်တော်ဖြစ်ချင်တာကစစ်ဗိုလ်ကြီး။အဖေကလည်ကျွန်တော့ကိုစစ်ဗိုလ်ပဲဖြစ်အောင်လုပ်ဖို့အားပေးတယ်။အမေကတော့ကျွန်တော့ကိုဆရာဝန်ကြီးဖြစ်စေချင်ခဲ့တာပါ။တခါမှရန်မဖြစ်ဖူးကြတဲ့အဖေနဲ့အမေနဲ့တောင်ကျွန်တော့ကြောင့်စကားများခဲ့ကြရတာ။နောက်ဆုံးတော့အဖေကပဲအလျော့ပေးလိုက်တယ်ဆိုရမှာပဲ၊အမေဖြစ်စေချင်တဲ့ဆရာဝန်ကိုပဲလုပ်ဖို့အဖေကလည်းတိုက်တွန်းလာတယ်။မောင်နှမသုံးယောက်ထဲမှာကျွန်တော်ကငယ်ငယ်ကတည်းကရင်ကျပ်ရောဂါသည်လေ။အရွယ်ရောက်လို့အသက်၁၃နှစ်လောက်မှလုံးဝပျောက်သွားတာပါ။ရောဂါသိဆေးရှိလို့ဆိုရမလားပဲ။ဦးလေးတွေကခွေးသားကိုစပါးလင်၊ငရုပ်သီးနိုင်နိုင်နဲ့ခဏခဏချက်ကျွေးနေတာမိဘတွေကလည်းဘာမှမသိသလိုပဲ။နောက်ရင်ကျပ်ရောဂါပျောက်တော့မှသိရတယ်။အဲဒီတုံးကမင်းစားတာခွေးသားတွေလို့ပြောတော့မှတံတွေးတပြစ်ပြစ်နဲ့ပေါ့။မကြာပါဘူး၊ခဏပါ။နောင်များခွေးသားဟင်းဟေ့ဆိုလိုက်ကိုရှာစားတော့တာပါ။ဆိုလိုတာကကျွန်တော့ရဲ့ရင်ကျပ်ရောဂါဟာအဲဒီဆိတ်ကတုံးသားနဲ့ပျောက်သွားတယ်ဆိုတာပါ။ခွေးသားကပူတာကိုး။အမေကလည်းကျွန်တော့ရဲ့ရင်ကျပ်ရောဂါပြန်ထလာရင်ဘယ်လိုလုပ်မတုံး၊စစ်သားဆိုတာဘဝကကြမ်းတမ်းပါတယ်။ကမ်းနားသစ်ပင်တွေပါ။ငါ့သားလေးအနေဆင်းရဲအစားဆင်းရဲတာငါမမြင်ချင်မကြားချင်ဘူး။နင်တို့စစ်ထဲဝင်မယ်ဆိုရင်ငါ့ကိုအရင်သာသတ်သွားလိုက်၊အဲ့လိုမှမဟုတ်ရင်ငါ့အလောင်းကိုမြေမြုပ်ပြီးမှစစ်ထဲဝင်ကြ..ငါ့သားလေးကရောဂါသည်လေး၊ရွှေလိုဥပြီးမွေးခဲ့ရတာ၊ဆရာဝန်လုပ်ရင်းလည်းတိုင်းပြည်အတွက်အကျိုးပြုနိုင်တာပဲ၊ကိုယ့်ကိုကိုယ်လည်းပြန်ဂရုစိုက်နိုင်တယ်။သေနတ်ကိုင်လူသတ်တတ်တာမလိုချင်ပါဘူး။သေနတ်တွေကြောပိုးအိပ်တွေကိုပင်ပန်းဆင်းရဲစွာထမ်းပြီးနေတာမမြင်ပါရစေနဲ့ကွယ်။ဟော့...အလေးဆုံးမှနားကြပ်လေးလွယ်ရတာအေ..လူအသက်လည်းကယ်တယ်...ရင်ခုံသံလေးကိုနားကြပ်လေးနဲ့နားထောင်ရင်း၉၆ပါးသောရောဂါတို့ကိုကုသပေးနေရတာဘယ်လောက်မွန်မြတ်သလဲ...ဘယ်တရားတော်ကမှမတားတဲ့လုပ်ရပ်ပါ...ငါ့သားလေးကိုအေးအေးဆေးဆေးပေါ့ပေါ့ပါးပါးနဲ့ပဲအမေမြင်ချင်တယ်...စသည်ဖြင့်ငိုကြီးချက်မနဲ့လွန်ဆွဲခဲ့ရတာပါ။အဖေ့အိုင်ဒီယာကတစ်မျိုးလေ။သားရေ...ယောင်္ကျားဆိုတာသတ္တိရှိရှိရင်ဆိုင်ရဲရတယ်။ကိုယ့်တစ်ဦးတည်းကိုယ့်မိသားစုလေးပဲကြည့်လို့မရဘူး။ကိုယ့်အဝန်းဝိုင်းလေးပဲအေးချမ်းနေတယ်..စားနိုင်သောက်နိုင်နေတယ်..ဆွေစဉ်မျိုးဆက်စားလို့မကုန်နိုင်ဘူး...အဲ..သူများတွေဘာပဲဖြစ်ဖြစ်...ကိုယ်လုပ်မှကိုယ်စားရတာဆိုတဲ့ကျဉ်းမြောင်းတဲ့စိတ်အခြေခံကိုအရင်စွန့်တတ်ရမယ်..စွန့်နိုင်ရမယ်ငါ့သား...လိုအပ်ရင်လူ့ပတ်ဝန်းကျင်တစ်ခုလုံးအတွက်ကော၊တိုင်းပြည်အတွက်ကောပေးဆပ်ဖို့အသင့်ရှိပါတယ်လို့ဆိုတာထက်...အမျော်အမြင်ရှိရှိနဲ့မလိုအပ်ခင်ကဖြည့်စွက်တာဝန်ယူနိုင်ရမယ်ဆိုတဲ့မြင့်မြတ်တဲ့စိတ်ထားရမယ်။စွန့်လွတ်နိုင်တာကိုဘဝနဲ့အသက်တွေနဲ့ရင်းပြီးသက်သေပြနိုင်ရမယ်။လူတစ်စုကောင်းစားရေးအတွက်မဟုတ်ဘဲ..တိုင်းပြည်နဲ့လူမျိူးအတွက်အသက်ကိုပေးဆပ်နိုင်တာလောက်ဘယ်အရာကမှပိုကောင်းပြီးမြင့်မြတ်နိုင်တဲ့အရာမရှိဘူး။ငါ့သားလေးတစ်နေ့တိုင်းပြည်ကအားထားလောက်တဲ့စစ်ဗိုလ်ချုပ်ကြီးဖြစ်အောင်လုပ်ပါ၊သားစစ်ဗိုလ်ချုပ်ကြီးရဲ့ပုံကိုဟော့ဒီအဖေတို့အိမ်ရဲ့နံရံမှာအဖေချိတ်ထားရင်းဂုဏ်ယူချင်တယ်ကွာ။ပြည်သူတွေရဲ့ရင်ထဲမှာလည်းနှစ်ထောင်းအားရပြီးမျိုးဆက်တစ်ဆက်မကကမ္ဘာတည်သ၍သမိုင်းဝင်မော်ကွန်းထိုးခံရတဲ့စစ်သားကောင်းကြီးဖြစ်အောင်လုပ်ကွာ၊တိုင်းပြည်ရဲ့ပြည်တွင်းပြည်ပရန်စွယ်တွေဆိုတာဒီတိုင်းပြည်ကြီးတည်ရှိနေသမျှကာလပတ်လုံးရှိနေမှာပဲ။မျိုးဆက်တိုင်းမှာလိုအပ်နေတဲ့နိုင်ငံသားတိုင်းရဲ့သမိုင်းပေးတာဝန်ပဲ။ယောင်္ကျားဆိုပေမဲ့ယောင်္ကျားတိုင်းမလုပ်နိုင်တဲ့အလုပ်ကဘာလဲဆိုရင်စစ်မှုထမ်းခြင်းလို့ပဲဖြေရမှာပဲငါ့သား။ဖေဖေတို့တိုင်းပြည်ဟာသရံဇာတအားဖြင့်ဘယ်လောက်ကြွယ်ဝတယ်ဆိုတာသားလည်းသိတာပဲ၊စာရွက်နဲ့ခဲတံယူပြီးချရေးကြည့်ပါသား၊....ဆန်ဆီဆားကအစ...ဓါတ်သတ္တုတွေ၊သစ်ဝါးအပါနောက်ဆုံးကွာ...နျူးကလီးယားလုပ်ဖို့တိုက်တေနီယံတွေကအဆုံးဒို့တိုင်းပြည်မှာရှိတယ်။ကျောက်သံပတ္တမြားပြောမလား.. ဟော..မြေပေါ်မြေအောက်...ရေပေါ်ရေအောက်အကုန်ကွာ...သားသင်ဖူးတဲ့သိတဲ့ဟာတွေအကုန်ချရေးကွာ...အဲဒါတွေဖေဖေတို့တိုင်းပြည်မှာရနိုင်တယ်ကွ...စသည်ဖြင့်အားတက်မန်တက်နှင့်အဖေကလည်းသားကိုလွန်ဆွဲခဲ့တာအခါခါမို့အဖေ့ရဲ့သြဝါဒတွေကိုအလွတ်တောင်ရခဲ့ပါတယ်။ကျွန်တော်ကလည်းစာတော်သည်လို့ပြောရမှာပဲ။စာတစ်ပုဒ်ကိုဝတ္ထုဖတ်သလိုဖတ်ရင်းနှစ်ခါသုံးခါဆိုအလွတ်ရတာကိုး။အလယ်တန်းကသင်္ချာတွေကိုတွက်ရင်းပုံသေနည်းတူရင်တော့အထက်တန်းကျောင်းသားတွေမတွက်တတ်တဲ့ပုစ္ဆာတောင်ကျွန်တော်ကအဖြေထုတ်နိုင်တာကိုး။အမေကကျောင်းဆရာမဆိုတော့အိမ်မှာကျူရှင်သင်တယ်လေ။အထက်တန်းကောအလယ်တန်းစာပါကျူရှင်ပြနေတော့ကြားနေမြင်နေရတာကိုး။ကျွန်တော်အထက်တန်းရောက်တော့စာတွေကမစိမ်းတော့ဘူးလေ။အထက်တန်းကိုလည်းဘာသာစုံဒီပေါက်ပြီးအောင်ပါလေရော။တစတိုင်းပြည်လုံးမှာဘာသာစုံဂုဏ်ထူးမှတ်နဲ့အောင်တာအဲဒီနှစ်က၂ယောက်ပဲရှိတယ်ဗျာ။အဲဒီသတင်းစာကိုအဖေကအမြတ်တနိုးကိုသိမ်းထားတာဗျာ။တစ်ရပ်ကွက်လုံးကလည်းချီးမွမ်းနေလိုက်ကြတော့အဖေကမင်းသားကြိးဖြစ်နေတာပေါ့။အေးဟုတ်တယ်လေ...မင်းတို့အကိုလေးပေါ့..ဖိုးချစ်ပေါ့..ဂုဏ်ထူးမှတ်ဘာသာစုံနဲ့တစ်နိုင်ငံလုံးမှာမှ၂ယောက်ပဲအောက်တာလေ...စသည်ဖြင့်ပြောရင်းနဲ့အိမ်ကပ်တယ်ကိုမရှိပါဘူး။ကျွန်တော့နာမည်နဲ့သတင်းစာမှာပါတဲ့နေ့ကပဲအမေနဲ့အဖေနဲ့အပြင်းထန်ဆုံးစကားများကြတဲ့နေ့ပေါ့။နောက်ဆုံးတော့အဖေကအလျော့ပေးလိုက်တယ်ဆိုလားပဲ။နောက်ရက်တွေဆိုအဖေသိပ်စကားမပြောတော့ပဲစာတွေပေတွေဖတ်ရင်းအေးအေးဆေးဆေးနေတာပဲတွေ့ရတော့တယ်။ဒီလိုနဲ့ကျွန်တော်အမေရိကားမှာဆေးပညာလာသင်နိုင်ဖို့အထိအမေကပဲအစစအရာရာဦးဆောင်ပေးခဲရတယ်လို့ပြောရမှာပဲ။ကျွန်တော်အမေရိကားကိုရောက်ပြီးသုံးနှစ်လောက်မှာတစ်ခါပြန်နိုင်ခဲ့တာပါ။အဲဒီလိုပြန်နိုင်အောင်လည်းကျွန်တော်ငွေကိုသပ်သပ်ခွဲစုခဲ့ရပါတယ်။အဲဒီတခေါက်အိမ်ပြန်ရောက်တော့မိသားစုတွေကျန်းကျန်းမာမာဆိုပေမဲ့အဖေကတော့ကျွန်တော့ကိုနောက်ထပ်ခွဲရအုံးမယ်ဆိုတာကြောင့်ထင်တယ်၊ကျွန်တော်နဲ့စကားဆုံလိုက်တိုင်းမျက်နှာချင်းဆိုင်လိုက်တိုင်းလွမ်းနေတာထက်နှမျောစွာစွန့်လွတ်လိုက်ရတယ်ဆိုတဲ့ပုံစံအရိပ်အရောင်ကပိုနေတာသတိထားမိခဲ့တယ်။ဆရာဝန်တော်တော်များများကနိုင်ငံခြားမှာပဲနေပြီးကိုယ်တိုင်းပြည်အတွက်ပြန်အလုပ်လုပ်တာကသိပ်နည်းတယ်လို့လည်းမကြာခဏပြောနေတတ်တယ်။ကျွန်တော့ရဲ့ကျောင်းပညာရေးအတွေ့အကြုံတွေ၊အမေရိကားရဲ့ခေတ်စနစ်အကြောင်းတွေ၊ကမ္ဘာ့ပြောင်းလဲတိုးတက်ဖြစ်စဉ်တွေနဲ့အနာဂတ်ကမ္ဘာမှာဘယ်တိုင်းပြည်တွေကတော့ဦးဆောင်နိုင်တယ်စသည်ဖြင့်သာအပြန်အလှန်ဆွေးနွေးတဲ့သဘောသာပြောဖြစ်ကြပါတယ်။စကားဆုံးခါနီးတိုင်းလည်းကိုယ့်တိုင်းပြည်အတွက်အလုပ်ပြန်လုပ်ပေးဖို့နဲ့တိုင်းပြည်ရဲ့ဖွံ့ဖြိုးမှုနောက်ကျကျန်နေခဲ့တာတွေကိုထပ်ခါထပ်ခါပြောနေတတ်သူကအဖေပါ။အမေကတော့သူ့သားမောင်အကြောင်းသူအသိဆုံးဆိုတာသက်သေပြတော့တာပဲ။သားကဒိန်ချဉ်ကြိုက်တာ...ကြက်သားနဲ့ပဲဟင်းကောဟိုမှာစားရရဲ့လား...ဟေဒါကသားကြိုက်တဲ့ပုံးရည်ကြီးနဲ့ရှောက်ရွက်သုပ်လေး...မြင်းခွာရွက်သုပ်လည်းမကြာခဏပါတယ်ဗျာ။မှုံညင်းချဉ်ခြောက်(စွမ်ထန်)ဟင်းရည်လည်းလုပ်ပေးတယ်။သူကိုယ်တိုင်ရန်ကင်းကြေအိုး၊ရှမ်းတောင်တန်းကြေးအိုးသွားဝယ်လာတာဗျာ။မုန့်ဟင်းခါးဆိုလည်းသူကိုယ်တိုင်ချက်ကျွေးတာ။အင်္ကျီတောင်ကျွန်တော်ကြိုက်တဲ့အရောင်နဲ့ဆိုဒ်နဲ့ကိုကွက်တိဝယ်ထားသေးတယ်ဗျာ။ကျွန်တော်တို့အိမ်ကကျောက်မြောင်းသီတာလမ်းထဲမှာဆိုတော့မင်္ဂလာဈေးနဲ့ကလည်းနီးတာကိုး။နေ့လည်လောက်ဆိုအမေခဏပျောက်သွားတတ်တယ်၊မင်္ဂလာဈေးမှာအမကြီးကအထည်ဆိုင်ဖွင့်ထားတာလေ။အမကြီးရဲ့ဆိုင်သွားရင်းနဲ့ပြန်လာရင်လက္ဘက်ရည်ကျဆိမ့်ပါစယ်ဆွဲလာသေးတယ်။ဘယ်ဆိုင်ကဝယ်လာတယ်မသိဘူးကျွန်တော်တို့လမ်းထိပ်ဆိုင်တွေကလက္ဘက်ရည်ထက်အရသာရှိတာတော့အမှန်ပဲ။မသွားပါနဲပြောလည်းနောက်သုံးလေးရက်လောက်ဆိုလစ်သွားပြီးဝယ်လာပေးတယ်ဗျာ။ကျွန်တော့ကိုခုထိကလေးတစ်ယောက်လိုသဘောထားသေးတာလည်းအမေပဲလေ။နေ့လည်ဆိုတရေးအိပ်အနားယူခိုင်းတယ်။ညနေဆိုပြန်ရောက်တုံးလာနုတ်ဆက်တဲ့သူငယ်ချင်းတွေကခေါ်ထုတ်သွားတာကြောင့်၊ကျွန်တော်ပြန်ရောက်ပြီးအိပ်နေတော့မှအခန်းမီးတွေပိတ်ပြီးအမေကအိပ်တုံးဗျ။အမေရိကားပြန်လက်ဆောင်ကလည်းအဖေနဲ့အမေ့အတွက်အင်္ကျီအနွေးထည်တစ်ထည်စီပဲပါလာတာကိုး။အမကြီးမှာတဲ့စလင်းဘက်အိပ်ရယ်ဖိနပ်ရယ်လဲမပါ၊ညီလေးအတွက်လည်းဂျာစီအင်္ကျီမပါလာခဲ့ဘူးလေ။နဲနဲတော့ခနဲ့တာလေးတွေခံရတာပေါ့။ငါ့မောင်ကများသိတတ်ပြီးအမကြီးအတွက်စလင်းဘက်အိပ်လေးဝယ်လာပေးရင်တော့မင်္ဂလာဈေးတခွင်ပြဲပြဲစင်အောင်လွယ်ပစ်လိုက်မယ်ပေါ့။ဇာခြည်တို့နီလာတို့သီရိတို့အေးသီရီစံတို့ကလည်းနင့်ကိုပဲမေးနေကြတာ။အစကတော့သြ...ငါ့မောင်လေးနဲ့တော့သင့်တော်တာလေးအောင်သွယ်ပေးမလို့ပါ...တော်ပြီးခုတော့...ကိုယ့်အတွက်ပဲကိုယ်ရှာတော့မယ်..နင်ဟာနင်ဆရာဝန်ပဲလုပ်လုပ်တိမွေးကုပဲလုပ်လုပ်ဘိန်းဒေါပဲလုပ်လုပ်ငါနဲ့မဆိုင်တော့ဘူး။ဒီနှစ်ကုန်ရင်ကိုနေမိုးသင်္ဘောကပြန်လာရင်ငါလိုက်သွားတော့မယ်...ငါမောပြီးဟာ...ယျေားကျားလုပ်စာနဲ့အေးအေးဆေးဆေးပဲနေတော့မယ်...စသည်ဖြင့်တွတ်ထိုးတော့တာပဲ။တကယ်တော့ကိုနေမိုးကအမကြီးကိုတဘက်သတ်ကြိုက်နေပြီးအမကြီးကငြင်းထားလို့သာမယူဖြစ်ကြတာပါ။အမကြီးကဘော်တနီနှင့်ကျောင်းပြီးကတည်းကအထည်အလိပ်လုပ်ငန်းဘက်ကိုခြေချခဲ့တာပါ။အမကြီးအမိရာပီသအောင်ဦးဆောင်နိုင်သူပါ။သူတို့ကျောင်းမှာကတည်းကချစ်ခဲ့ကြတဲ့ကိုမင်းမင်းဇော်ဆိုသူနဲ့အဆက်အသွယ်မပြတ်နားလည်မှုယူထားတယ်ဆိုတာလည်းအမကြီးမပြောပေမဲ့လူသတင်းလူချင်းဆောင်ဆိုသလိုကျွန်တော်တို့သိထားကြပါတယ်။အဲဒီတော့ချော့ရတော့တာပေါ့...အမမှာနတုန်းကဝယ်မလို့ပဲ။ဘယ်အချိန်ဝယ်ဝယ်ရတယ်ထင်လို့လေ...ပြန်လာခါနီးမှသွားဝယ်တော့လိုချင်တဲ့ဆိုဒ်ကမရှိတော့တာနဲ့...ဆောရီးပါကွာချစ်မကြီးကလည်း...ဒီလူနဲ့ဒီလူဒီလောက်ပြာစရာမှမဟုတ်တာကွာ...ငါ့ချစ်မကြီးကိုကျေနပ်အောင်ရွှေဘဲမှာဝမ်းတေဘယ်လုပ်ပေးမယ်...ဟုတ်ပြီလာ..ချစ်မကြီးစိတ်ချမ်းသာစေရမယ်...ဘယ်သူတွေခေါ်ချင်သေးလဲ...ဇာကြီးတို့...နီလာတို့ကောခေါ်ချင်ခေါ်လေ....။အမလေးလေးတော်ပါပြီးမောင်တော်ရာ...ကောင်းတော့ဟိုဒင်း..ညောင်းတော့ဟိုဟာဆိုလား....ကျွေးချင်တာကအမကြီးမှဟုတ်စ...အေးသီရိတစ်ယောက်ကလည်းတောင်ကြီးကနေနင့်အကြောင်းမေးနေတာနော...မိုးကုတ်ကသီတာကြီးကလည်းရန်ကုန်ရောက်တိုင်းအမေ့အတွက်၊ဖေကြီးအတွက်၊ဟော့ဒါကမမလေးအတွက်နဲ့စုံနေတာပဲ။နင်သူတို့နဲ့ဟိုးအမေရီကားကနေအဆက်အသွယ်ရှိနေတာငါမသိဘူးများမှတ်နေလား...နင်ဘာတွေသွားလုပ်ထားလဲ..ဘယ်လိုဂတိတွေပေးထားလို့လဲနင်ငါ့ကိုမှန်မှန်ပြောစမ်း....နင်ကျွေးချင်မွေးချင်တာကသူတို့ကိုမဟုတ်လား...တော်ပါပြီကွာ...ငါ့ဟာငါဆေးဘဲဥသုပ်လေးနဲ့ပဲဖြစ်ဖြစ်ဘဲဥဆားငံဥလေးနဲကပဲဖြစ်ဖြစ်စားရင်းကျေနပ်လိုက်ပါတော့မယ်။ဆရာဝန်ကိုယ်တော်ချောကြီး...ရုပ်ရုပ်သိပ်မလုပ်နဲ့နော..ပြတ်ကျနေလိမ့်မယ်ယ်..နင်ဆရာဝန်မဖြစ်လို့ကတော့အမေကအသာထား...ငါ့အကြောင်းကောင်းကောင်းသိမယ်...ဒါဘာလဲမှတ်မိသေးလား...တော်ကြာဆရာဝန်မဖြစ်ပဲဖားတပိုင်းငါးတပိုင်းဘဝနဲ့မင်းကုသဖြစ်နေအုံးမယ်...ရော့ဒီဝေဒနာလေးကိုအမြီးလေးကုစားရင်းမှတ်ထားဆိုပြီးမကြီးမငယ်နဲ့ကျွန်တော့ဇက်ပိုးကိုအုပ်ထဲ့လိုက်သေးတယ်ဗျာ။အပျိုကြီးမို့လားမသိပါဘူး...လက်သံကပြောင်ပေ့ဗျာ။မဟုတ်ပါဘူးအမရယ်။ကျောင်းတုန်းကတည်းကသူငယ်ချင်းတွေမို့အဆက်အသွယ်တော့ရှိနေတာပါ။တရွာတကြည်ဆောက်ဆိုသလိုရောက်လေရာအရပ်မှာမိတ်ဆွေဖွဲ့ရင်း၊စားအိမ်သောက်အိမ်လိုဖြစ်တာပဲရှိတာပါ။ချစ်မကြီးကတော့မျက်စောင်းတထိုးထိုးနဲ့ထွက်သွာပါလေကော။ညီလေးကကျောင်းမပြီးသေးတော့သူတို့တက္ကသိုလ်ဘောလုံးသင်းကဘယ်လိုအောင်မြင်တာ၊သူကဘယ်ပွဲမှာဘယ်လိုအဓိကကျတဲ့နေရာကနေကစားရတာစသဖြင့်ဘောလုံးပွဲဗျူဟာတွေခင်းပြနေတတ်သူပါ။စပိန်အသင်းတွေ၊ဥရောပအသင်းတွေ၊အင်္ဂလန်အသင်းတွေမပြောနဲ့ဘယ်အသင်းမှာဘယ်သူတွေဆိုတာကအစသိတယ်ဗျာ။တော်လိုက်တဲ့မှတ်ညာဏ်လို့စိတ်ထဲကနေချီးကျူးမိသား။ကျွန်တော်ကလို်င်းတစ်မျိုး။ဂစ်တာတီးမယ်၊သီချင်းရေးမယ်၊သီချင်းဆိုမယ်၊ကဗျာရေးမယ်၊စာအုပ်အစုံဖတ်ချင်တယ်ဆိုတော့သူနဲ့ကသိပ်ကီးမကိုက်ဘူးလေ။တော်ကြာသူ့သူငယ်ချင်းတွေကလာပြန်ပြီး၊ဒီညတော့အာကြီးက(အာဆင်နယ်)ဘယ်လိုပေါက်တယ်။မန်ယူကအကျန်လူနဲ့ကစားတောင်တရေးနိုးထကန်ရင်နိုင်တယ်..ဝါသနာပါရင်တစ်လုံးပြား၂၀ပေးမယ်လေ..သရေငါးမူးနော...တစ်လုံးစီးသရေ..နှစ်လုံးစီး.....အို...စုံနေတာပဲ....ပြောနေလိုက်ကြတာကွက်တိပဲ..ဘောလုံးပွဲကြည့်ပြီးလို့ပြန်လာရင်တော့ပွစိပွစိနဲ့ဘယ်သူမှမမေးလဲတစ်ယောက်တည်းဖြေနေတာပဲ။ဖာဂူဆန်ကြီးကမျက်မှန်ကျန်ခဲ့တာကိုး...လိုင်းအပ်ဆွဲတာကမှမဟုတ်တာ...မြန်မာပြည်ဆိုတရေးနိုးထဆွဲအုံး...ပါပြီးသားပဲကွ...ဆွဲတတ်အောင်မြန်မာပြည်ခေါ်ပြီးစသုံးလုံးနဲ့တေ့ပေးအုံးမှ...၊ပြောရင်းလေသံလေးကတော့နဲနဲတိုးသွားတတ်တယ်ဗျ။ဒီလိုနဲ့အမေရိကားကိုပြန်ရောက်လာပြီးနောက်၁၀လလောက်မှာအဖေဆုံးသွားတယ်ဆိုတာကိုသိရတော့တယ်။အဲဒီနောက်ပိုင်းကျွန်တော်နဲ့အမေနဲ့မကြာခဏတယ်လီဖုန်းနဲ့စကားပြောတယ်ဆိုပေမဲ့အမေ့ရဲ့အသံဟာအဖေရှိစဉ်တုန်းကလိုသိပ်မမာတော့တာကိုသတိထားမိတယ်။ကျွန်တော်နဲ့လည်းဖုန်းနဲ့သိပ်စကားမပြောဖြစ်တော့သလိုဖြစ်လာတယ်။ကျွန်တော်ကဖုန်းပြောချင်တယ်ဆိုရင်တောင်အမေကမအားသေးဘူး..ဆိုပြီးအမတို့ညီလေးတို့နဲ့ပဲစကားပြောဖြစ်တာများလာတယ်။နောက်ဆုံးတစ်ခေါက်ကကျွန်တော်နဲ့ပြောနေရင်း..သားရယ်...အမေ့ဆီခဏခဏဖုန်းမဆက်တော့နဲ့၊အမေ့ကိုချစ်ရင်အမေ့စကားကိုနားထောင်းပါ။ဆရာဝန်ကြီးဖြစ်အောင်ကြိုးစားခဲ့ပါ။သားဆရာဝန်ကြီးဖြစ်တယ်ဆိုတဲ့အထောက်အထားတွေနဲ့ကျန်းကျန်းမာမာပြန်ရောက်လာတာကိုမေမေသိမ်မြင်ချင်တယ်သားရယ်...သားလေးလိမ္မာနော...နွေးနွေးထွေးထွေးနေပါ။သားကခြေဖျားတွေအေးတတ်တယ်...ပြီးရင်ရေအေးနဲ့သိပ်မတည့်ဘူးမဟုတ်လား...ရေနွေးနွေးလေးသေက်တာအကျင့်လုပ်ဖို့မမေ့နဲ့နော...တော်ကြာရင်ကျပ်ပြန်ထလာမှာအမေစိုးရိမ်တယ်....စသည်ဖြင့်စိုးရိပ်တမ်းချင်းတွေသီကုံးတော့တာပဲ။ဘုရားတရားကိုမမေ့နဲ့၊သူများတွေနဲ့တည့်အောင်နေပါ၊ကိုယ့်အိမ်မှာလိုဒေါသမကြီးနဲ့နောသား...အထက်လူကြီးတွေကိုရိုသေပါ၊စိတ်နဲ့တောင်မပစ်မှားနဲ့၊ကိုယ့်အောက်ကလူတွေရဲ့လိုအပ်ချက်တွေအားနည်းချက်တွေကိုသိနိုင်အောင်လေ့ကျင့်ပါဆိုတာတွေလည်အစုံပဲ။အမေတို့နေကောင်းကြတယ်..သားမကြာခင်ဆရာဝန်ကြီးဖြစ်တော့မှအမေ့ကိုဆေးပြန်ကုချင်ကုပေါ့သားရယ်...သားကိုလွမ်းတဲ့စိတ်နဲ့ပဲရင်ခုံနေတယ်ဆိုတာသားသိရင်လုံလောက်ပါပြီး။မရုံသေးရင်သာဆရာရာဝန်ကြီးဖြစ်တဲ့တနေ့အမေ့ရဲ့ရင်ခုန်သံကိုနားကြပ်နဲ့လာနားထောင်ကြည့်နောသား..ကဲ..ဘာပြောအုံးမလဲ...မရှိတော့ရင်လည်းမေမေဖုန်းချလိုက်တော့မယ်နော....ဆိုတဲ့စကားလုံးတွေနဲ့ဖုန်းပြောခဲ့တာနောက်ဆုံးတစ်ခါကပေါ့။ကျွန်တော့ရဲ့Samsungလက်ကိုင်ဖုန်းလေးနဲ့recordလုပ်ထားမိတာမို့ပြန်နားထောင်ရင်းအလွတ်နီးပါးရနေတာပါ။အမေနဲ့ဖုန်းပြောဖို့လုပ်တိုင်းဒီနောက်ပိုင်းအမေကမအားတော့ဘူးလို့ပဲအကြောင်းပြပြီးငြင်းနေတယ်လေ။ဒါလေးကိုပဲပြန်နားထောင်ရင်းအမေ့ကိုပိုလွမ်းရသလိုတခါတလေဒေါသထွက်မိလိုက်သေးတယ်။ငါ့ကိုစကားမပြောချင်တဲ့အမေ...နေပလေ့စေ..ငါ့အသံဘယ်တော့မှမကြားစေရတော့ဘူး၊အမေ့ဆီလည်းမပြန်တော့ဘူးစသည်ဖြင့်ကျွန်တော်နှင့်အမေ့ကြားကသံယောဇဉ်ဒေါသအိုးကမကြာခဏထထပေါက်ကွဲမိတာပေါ။ခုတော့ကျွန်တ်ေဆရာဝန်ဖြစ်ပြီး၊အောင်လက်မှတ်တွေနဲ့ပြန်လာမဲ့ရက်တွေလည်းအိမ်ကသိပြီးပြီ။လေယဉ်လက်မှတ်လည်းဝယ်ပြီးပြီ။ဒီနေ့ကျွန်တော်ဘွဲ့ယူမယ်ဆိုတာလည်းအမေတို့သိထားပြီး။သူတို့တွေလည်းပျော်နေကြလောက်ပြီပေါ့။အဖေသာရှိရင်ဘယ်လောက်ကောင်းလိုက်မလဲ။နောက်ထပ်မခွဲခွါရတော့လို့ဝမ်းသာမှာထက်တိုင်းပြည်ကိုပြန်အလုပ်အကျွေးပြုနိုင်တော့မယ်ဆိုတာအဖေသာသိရင်အရင်လိုနှမျောနေတဲ့မျက်လုံးမျိူးတွေအရောင်များပြောင်းလဲသွားမလားလို့စဉ်းစားနေမိလိုက်သေးတယ်။အမကြီးကဖိနပ်ကောင်းကောင်းနဲ့စလင်းဘက်အိပ်ကောင်းကောင်းကိုကြိုက်တတ်တယ်လေ။ဒါနဲ့သူကြိုက်တဲ့အမျိူးအစားတွေဆိုဒ်တွေအတိုင်းမှာတဲ့အတိုင်းလည်းဝယ်ထားပြီးပြီ။ညီလေးကဘောလုံးအားကစားအင်္ကျီင်နဲ့မျက်မှန်တွေမှာထားလို့လည်းဝယ်ထားပြီးပြီလေ။ကျွန်တော်တစ်ယောက်တည်းတွေးရင်းကားမောင်းလာတာAppartmentရှေ့ကိုဘယ်လိုပြန်ရောက်လိုက်မှန်းတောင်မသိလိုက်ဘူး။ဘယ်မီးပွိုင့်နားမှာဘယ်လိုရပ်လို့ဘယ်အရှိန်နဲ့မောင်းလာမှန်းကိုပြန်သတိမရအောင်ဝမ်းသာလုံးဆို့ရင်းပြန်လာခဲ့တာလေ။အခန်းထဲပြန်ရောက်ရောက်ချင်းပဲဟန်းဖုန်းကိုကောက်ဖွင့်ပြီးအမေနဲ့စကားပြောဖို့၊အမေ့အသံနားထောင်ဖို့ကြိုးစားကြည့်လိုက်တယ်။ဖုန်းလိုင်းချက်ချင်းမဝင်ပြန်ဘူး...သြ..မြန်မာပြည်မှာခုလောက်ဆိုညဘက်ဖြစ်နေတာတောင်လိုင်းမကောင်းသေးပါလား..သူတို့တစ်ယောက်ယောက်နဲ့စကားပြောနေတာဖြစ်မှာပါ...စိတ်ပျက်ပျက်နဲ့နောက်တစ်ခါထပ်နှိပ်ဖို့လုပ်လိုက်တယ်....တုန်..တုန်..တုန်...တုန်..ဆိုပြီးကြည်လင်သာယာတဲ့Samsungဖုန်းရဲ့ရင်းတုန်းအသံလေးထွက်လာတယ်..ကြည့်လိုက်တော့(Mother house)ဆိုတဲ့စာလေးမြင်လိုက်တာကြောင့်အရမ်းဝမ်းသာလိုက်တယ်။အမေနဲ့စကားပြောရတော့မယ်..လပေါင်းများစွာမကြားရတေ့တဲ့အမေ့အသံခုကြားရတော့မယ်...ဟဲလို..အမေလာ...ဟဲလို...ဟဲလို...သားလား..သားလေးနေကောင်းလား...လို့လေးလေးပင်ပင်နဲ့ကြားလိုက်ရတဲ့အမေ့အသံကြောင့်ရင်ထဲမှာတစ်မျိုးကြီးဖြစ်သွားရတယ်...ဟဲလိုး..အမေလား..မေမေနေကောင်းလားမေမေ...မေမေ့အသံတမျိူးကြီးဖြစ်နေတယ်ကော...မေမေနေကောင်းအောင်နေနော...သားပြန်လာတော့မယ်လေ...သားဆရာဝန်ဖြစ်ပြီးလေ..ဒီနေ့ပဲသားဓါတ်ပုံတွေရိုက်ထားတာအများကြီးပဲသိလာ...မေမေ့ကိုပြမယ်နော...မေမေ့ကိုသားအရမ်းလွမ်းတာသိလား..သားမေမေ့စကားနားထောင်တယ်နော...မေမေဝမ်းသာတော့နော...ကိုယ်ကသာစွတ်ပြောနေတာဟိုဘက်ကကြားလားမကြားလားမသိရဘူး..သားလေးရေ.. နေကောင်း...သတိ...ရုစိုက်.....လွမ်း...သား...မေမေကသိပ်ချစ်.....ဖုန်းလိုင်းကပြတ်တောင်းပြတ်တောင်းနဲ့အသံကမကြည်တော့ဒေါသထွက်မိတာပြောမနေနဲ့တော့..ကိုယ်ဟန်းဆက်ကိုပဲပေါက်ခွဲပစ်ရတော့မလား..မြန်မာပြည်အစိုးရကိုပဲလိမ့်ဆဲရတော့မလားမသိတော့ဘူး...သူများတိုင်းပြည်နဲ့ပြောရင်ထိုင်းပြောနေကြသလိုပဲအသံကြည်လို့...အရုပ်ပါဗွီဒီယိုနဲ့မြင်ရသေးသကိုး...ကိုယ်တိုင်းပြည်နဲ့ပြောလိုက်တိုင်းဒေါသထွက်တာထက်လိပ်ခေါင်းပါထွက်တော့မယ်။တာဝန်ရှိသူတွေဆိုသူတွေအရှက်မရှိ၊အရည်အချင်းကလည်းမရှိဘူးလို့ပြောနေလည်းဘုန်းကြီးသရဲတွေလိုပဲ။တေမိတွေမှင်စာတွေဘီလူးတွေသဘက်တွေငရဲသားတွေ..အို...ပြောရမယ်ဆိုတခုမှမကောင်းတာပါ။ဒေါသစိတ်ကိုခဏပြန်မျိုသိမ့်ရင်းအမေ့စကားသံကြားရဖို့ပိုအာရုံစိုက်ပေးလိုက်တယ်...ဟဲလိုးသား...အမေ...ဟဲလိုး...အခုကြားပြီး..ပြောပြော..ကြားတယ်ပြေပြော....ကြားလား...ကြားရင်ထတော့လေ..ညနေ၅နာရီထိုးပြီ..ရေမိုးချိုး..ထမင်းစားရအုံးမယ်လေ...ထတော့အလုပ်က၆နာရီဝင်ရမှာနဲ့ကားလမ်းမှာဂျမ့်ဖြစ်နေမှာနဲ့နောက်ကျလိမ့်မယ်လေ..ထတော်နော..နားရက်ကြမှအားရပါးရပြန်အိပ်တော့နော..လို့ဇနီးသည်ရဲ့လာခေါ်နိုးတဲ့အသံကြားလိုက်ရတော့မှ..အိမ်မက်မက်နေတာလေးတောင်မခံစားနိုင်မပျော်နိုင်တဲ့ဘဝပါလားနောလို့...သမီးနဲ့သားကလည်းသူ့အမေနားကနေကျွန်တော့နားကိုကပ်လာကြရင်းတီတီတာတာလေးတွေပြောနေလိုက်ကြပြန်ကော...ကိုက်ခဲနေတဲ့ကိုယ်ခန္ဒာတစ်ခုလုံးကိုလူးလွန့်ဆန့်ထုပ်လိုက်ရင်းအိပ်ယာထဲမှာထထိုင်မိလိုက်ရက်သားဖြစ်သွားတယ်။အိမ်မက်ထဲကလတ်လတ်ဆတ်ဆတ်ရင်းရင်းနီးနီးဖြစ်နေတဲ့အမေ့ရဲ့အသံကိုပြန်ကြားရောင်နေရင်းအိပ်ချင်စုံမွှားမုန်ဝါးဝါးနဲ့ကြိုးစားရင်းဒရီးဒယိုင်ထရပ်လိုက်မိပါတော့တယ်။(လူချစ်လူခင်၏မိခင်ကွယ်လွန်ခြင်း၂၄နှစ်ပြည့်ခံစားမှု့)