မီးလှုံတဲ့ရွာ
ရေခဲကျချိန်ဆိုစိတ်ညစ်နေရတယ်။အရင်တုန်းကဆိုရင်ရုပ်ရှင်တွေထဲမှာလိုဆီးနှင်းတွေကျပြီးအေးချမ်းနေတဲ့နေရာလေးမှာနေချင်လိုက်တာပေါ့။တကယ်တမ်းနေရတော့စိတ်ညစ်ရတယ်ဗျို့။စနိုးချိန်နီးလာရင်အရေးကြီးတဲ့ကားအင်ဂျင်းပိုင်းအပြင်ဘရိတ်ကိုသေချာအောင်လုပ်ရတော့တာပဲ။အိမ်ထဲမှာအပူစက်ဖွင့်ပြီးငြိမ့်နေလို့ရနေချိန်ကတော့စည်းစိမ်ပေါ့။ဧရာဝတီတိုင်းထဲမှာတည်ရှိတဲ့ကျွန်တော့ရွာလေးမှာမီးလှုံခဲ့ကြတဲ့အချိန်တွေကိုမကြာခဏပြန်သတိရနေမိသေးတယ်။ငယ်ငယ်တုန်းကလိုထင်းချေင်းတွေကောက်ပုံလိုက်၊ကောင်းရိုးတွေသစ်ရွက်မစိုမခြောက်တွေရှာပြီးပုံလိုက်၊မီးမွှေးလို့မတောက်နိုင်ရင်ရေနံဆီမီးခွက်ထဲကရေနံဆီလောင်းချပြီးမီးခိုးတလူလူနဲ့အချိန်လေးကိုတောင်ပြန်သတိရမိတာအခါခါပေါ့။ဒီကြားထဲကန်စွန်းဥ၊ဒါမှမဟုတ်ကလောဥ(ပီလောပီနံဥ)ကိုမီးဖုတ်ပြီးကောင်းကောင်းတော်ကျက်ချိန်မရပါဘူး။ဝိုင်းဖဲ့လိုက်တာနဲ့အေးချမ်းမေရဲ့တစစီကျိုးပဲ့ကုန်တယ်ကနေဘဝပြောင်းသွားပါလေကော။မီးပုံဘေးမှာစကားဝိုင်းဖွဲ့ပြောကြရင်းရေနွေးတည်သောက်ကြ၊ဖက်ကြမ်းလိပ်လေးကိုအလှည့်ကျဖွာလိုက်ကြနဲ့သူ့ဒေသနဲ့သူတော့ပျော်စရာကောင်းခဲ့သား။ဘာရောဂါမှကူးမှာလည်းမကြောက်ခဲ့ရပါဘူး။အာရုံရတာလေးတွေဆက်စပ်ပြောဆိုကြ၊လုပ်ငန်းကိုင်ငန်းအကြောင်းပြောဆိုကြနဲ့မနက်တမျိုးညတမျိုးနဲ့ကျွန်တော်တို့အိမ်ရှေ့အုန်းခြံထဲကမီးပုံလေးကိုပြန်မြင်ယောင်မိသေးတယ်။ကျွန်တော်တို့အိမ်ကရွာလယ်လမ်းဘေးမှာမဟုတ်ပေမဲ့ရွာလယ်လမ်းကနေတစ်ဆစ်ချိုးလိုက်ပြီးခြေလှမ်း၁၀၀ကျော်လောက်လျှောက်လိုက်ရင်ရောက်တာကိုး။ရွာရဲ့အလယ်ပိုင်းမှာမို့လူစုံအောင်တွေ့ရတတ်ပါတယ်။ဘယ်ကဘယ်လိုလာကြမှန်းမသိပေမဲ့မီးပုံလေးကတော့နံနက်တိုင်းဆုံရပ်လေးပေါ့။ဘေးပတ်ဝန်းကျင်ရွာတွေဈေးဝယ်ဖို့ဆိုရင်ကျွန်တော်တို့ရွာကနေဖြတ်သွားပြီး၅မိုင်ကနေ၈မိုင်လောက်အထိဈေးသွားဝယ်ရတာကိုး။တချို့ကလည်းခြေကျင်ထမ်းပိုးနဲ့သွားဝယ်ကြတယ်။တချိ့ကတော်စက်ဘီးနဲ့သွားဝယ်ကြတယ်။ဒီတုန်းကခွန်ဒေါင်းတို့ဒိန်းဒေါင်းတို့လို့ခေါ်တဲ့လက်တွန်းထွန်စက်နဲ့တွဲမောင်းတဲ့စက်တွေယာဉ်တွေမှခေတ်မစားသေးတာ။မိုးတွင်းဆိုဗွက်တွေနဲ့မို့ဆောင်းရာသီရောက်လို့လမ်းပန်းခြေက်သွေ့တော့မှလူတော်တော်ဖြတ်တဲ့ရွာဆိုတာပိုသိသာနိုင်တယ်။ကျွန်တော်တို့ဘိုးဘေးတွေကတည်ခဲ့တဲ့ရွာကြီးလည်းဖြစ်တော့ရွာလည်ပိုင်းလောက်ကကျွန်တော်တို့ဆွေမျိုးသားချင်းအိမ်တွေကများသား။ရွာရဲ့အရှေ့အနောက်တောင်မြောင်မှာလည်းကောင်းပေ့ဆိုတဲ့မြေတွေကကျွန်တော်တို့အမျိုးတွေပိုင်တာလေ။အဲဒါနဲ့ပြောရအုံးမယ်...မီးပုံကိုကြောခိုင်းလို့ပေါင်ကြီးကားပြီးမီးလှုံနေတတ်တဲ့ဦးဖိုးကြိူုင်းကိုအထူးပဲသတိရမိတယ်လေ။အဖေတို့မောင်နှမထဲမှာတော့ကျောင်းသာအတန်းမရောက်ခဲ့တာစာကတော့သူအတတ်ဆုံးလို့ပြောကြတာပဲ။စကားလည်းအတော်ပြောနိုင်သူပါ။တခါတော့သူရှင်းပြနေတဲ့ဘရိတ်ခရာမင်းသားကကောင်းကင်ခရီးသွားရင်းရှင်အရဟံနဲ့တွေ့လို့ပါးစပ်ဖွင့်မိရာကနေပြုတ်ကျသေတဲ့အကြောင်းပြေားရင်းသူ့ပုဆိုးစမီးဟပ်ပြီးအပေါက်ဖြစ်သွားလို့စိတ်ပျက်သွားတာကြုံဖူးသေးတယ်။ဆက်မပြောတော့ဘူးဗျာ။နောက်သုံးလေးရက်နေတော့မှမီးပုံရှိရာကိုသူပြန်ရောက်လာတယ်။ပုံတိုပစနဲ့ရာဇဝင်တွေကိုသူ့လောက်ပြောနိုင်သူအဲဒီလေးငါးရွာပတ်ဝန်းကျင်မှာမရှိလောက်တာသေချာတယ်ဗျ။ရွာလယ်လမ်းဘေးကသူ့အိမ်အောက်မှာလူပြတ်တယ်မှမရှိတာ။ဖြတ်သွားဖြတ်လာသူလူငယ်လူလတ်လူကြီးအစုံက...ဝေး...ဖိုးကြိုင်း..ဦးဖိုးကြိုင်း...ဝေ..ဆေးကြိုင်းရေ...စသည်ဖြင့်တွေ့ရင်ဖြစ်စေမတွေ့ရင်ဖြစ်စေအော်ခေါ်သွားတတ်ကြတာပဲ။ကျွန်တော်တို့ရွာကသက်ကြီးသူတွေရဲ့ချစ်စရာဓလေ့လေးတခုပြောပြချင်သေးတယ်။ဘာလဲဆိုတော့...နာမည်တွေရဲ့ရှေ့မှာ...ဆေး...တတ်တတ်ပြီးခေါ်တဲ့အကျင့်လေးပါ။ဥပမာဗျာ..ဦးမောင်ဖြူဆိုရင်ဆေးဖြူရေ...ဦးမောင်မဲဆိုရင်ဆေးမဲရေ...စသည်ဖြင့်ဆေးတပ်တပ်ပြီးခေါ်တတ်ကြတယ်ဗျ။ဒါနဲ့ဦးဖိုးကြိုင်းအကြောင်းလေးပြန်ဆက်ရအုံးမယ်..သူတို့ငယ်ငယ်ကကျောင်းစာမှာသင်ရတဲ့သမိုင်းတွေခုနောက်လူတွေမသင်ရတော့တဲ့အကြောင်းနဲ့သမိုင်းစာအုပ်တွေမှာမှတ်မ်းမတင်ခဲ့မေမဲ့ပါးစပ်ရာဇဝင်ကဘယ်လိုဘယ်ပုံရှိတယ်စသည်ဖြင့်ပုဂံခေတ်မတိုင်မှီမြန်မာနိုင်ငံထဲကိုဗမာလူမျိုးတွေကဘယ်လိုဘယ်ပုံရောက်လာကြောင်း၊ဘယ်ရသေ့ကဘယ်နေရာမှာမင်းဖြစ်သွားကြောင်းနန်းစဉ်နန်းဆက်နဲ့သီပေါမင်းပါတော်မူတဲ့နောက်အင်္ဂလိပ်ခေတ်ကောအစုံပြောပြနိုင်သူပါ။ကရင်တွေကဘယ်ကစရောက်လာတယ်၊ဘယ်လိုထီးနန်းတည်တယ်၊ဘယ်လိုပြည်ပျက်ခဲ့ရတယ်ကအစကရင့်ရာဇဝင်တွေပုံပြင်တွေလည်းစုံအောင်ပြောတတ်သူပါ။ကျွန်တော်တခါတလေပြန်စဉ်းစားတယ်၊သူမဆုံးသွားခင်သူနဲ့တွေ့ပြီးအချိန်ယူမေးမြန်းရက်ကော့(record)လုပ်မှတ်တမ်းယူမယ်ပေါ့၊ဟုတ်သည်ဖြစ်စေမဟုတ်သည်ဖြစ်စေဆိုပေမဲ့ကျွန်တော့သက်တမ်းနဲ့သမိုင်းအထောက်အထားတွေအရဆိုသူပြောခဲ့တာတွေကအမှန်တွေပဲတွေ့ဖူးတယ်။ကရင်တွေတည်ခဲ့တဲ့ရွာကိုကရင်သံနဲ့ကရင်လိုခေါ်ရင်းကနောက်ပိုင်းဗမာစကားနဲ့ရွာမည်တွေပြောင်းသွားတာတွေ၊ဘယ်ရွာကိုတော့ဘယ်သူကတည်ခဲ့တယ်၊လှည်းလမ်းတွေကအရင်ကဘယ်ကနေဘယ်ကိုဖေါက်ထားတာ၊ရေလမ်းကအရင်ကဒီလို၊နောက်ဘယ်နခုနှစ်ကတာကျိုးပြိးရေကြီးတာ။နောက်ရေလမ်းကြောင်းတွေပြောင်းလို့မယုံရင်ဘယ်နေရာမှာတူးကြည့်ပါလား...ဘားတွေရှိတယ်စသည်ဖြင့်စုံအောင်ပြောနိုင်သူပါ။တကယ့်ဗဟုသုတဟင်းလေးအိုးကြီးပါ။သမိုးရာဇဝင်ဆိုလည်းနုတ်တိုက်ပြောနိုင်တဲ့လူပါ။ကုန်းဘောင်မင်းဆက်လည်းသူနဲ့တွေ့မှအလွတ်ရတော့တယ်...ခုထိမမေ့ဘူးဗျာ။ကျွန်တော်ကမေးတာပေါ့..လေးလေးကြိုးင်းကကုန်းဘောင်မင်းဆက်၁၁ဆက်ကအစဘယ်လိုလုပ်ပြီးနုတ်တိုက်ရတာလဲမှတ်ညာဏ်ကောင်းလိုက်တာလို့ပြောတော့မှတ်ညာဏ်တခုတည်းဘယ်ဟုတ်မတုံးကွအရင်ကစာသင်တဲ့ဆရာတွေဆရာမတွေကတော်တာကိုးကွ၊ဒါဆိုဒါကြီးပဲသင်ပေးတာမှမဟုတ်တာ၊တည်ထွင်တယ်လက်ဆင့်ကမ်းတယ်လေ...မင်းတို့ခုခေတ်ေ---ာက်အစိုးရတက်တော့မှေ--ာက်တလွဲတွေဖြစ်ကုန်တာလို့ဒေါသတကြီးလည်းပြောတတ်တယ်ဗျ။ စကားလည်းပြောရင်းပညာလည်းလက်ဆင့်ကမ်းပေးရင်းနဲ့ငါမင်းတို့ကိုသင်ပေးနေတာရော့ခုတခါတည်းမှတ်သွားလိုက်၊ကုန်းဘောင်မင်းဆက်၁၁ဆက်ကိုဟော့ဒီလိုမှတ်..လေင်း၊နောင်၊ဆင်၊စဉ့်၊မောင်၊ဘိုး၊ဘ၊သာ၊ပုဂံ၊မင်းတုံး၊သီပေါဆုံး...လို့သာမှတ်ထားကွာဆိုတာနဲ့ကျွန်တော်တို့လူငယ်တသိုက်ကိုယ်စီလိုက်ဆိုမိလိုက်သေးတယ်။တခြားလူတွေတော့မသိဘူး၊ကျွန်တော်ကအဲတုံးကအလည်တန်းကိုးဗျ။ကျွန်တော့အတွက်တော့အရမ်းကိုအသုံးတည့်သွာတာပေါ့။ကျွန်တော်တို့မီးလှုံနေတဲ့သူတွေကလူစုံတယ်ဗျ။မနက်စောစောခြံထဲသွားဖို့ပေါက်တူးထမ်းလာရင်းမီးဝင်လှုံသူကော၊နံနက်စောစောနွားစာမြက်သွားရိတ်ဖို့မြက်ခြင်းနဲ့တံစဉ်ထမ်းလာသူကော၊စောစောစီးစီးပုဆိုးလေးခြုံပြီးလက္ဘက်ရည်ကြမ်းအလကားလိုက်သောက်တတ်သူကောအစုံပေါ့။ကျွန်တော်တို့ရွာကအုန်းပင်တက်၊ထန်းပင်လည်းတက်၊ထန်းတွေအုန်းတွေပြင်ရင်းအသက်မွေးဝမ်းကျောင်းတဲ့ဆေးဂျာခေါ်ဦးဘာဂျာတစ်ယောက်ကတော့နံနက်တိုင်းလိုလိုရောက်လာတတ်တယ်။မနက်အစောကြီးဟိုးတခြားရွာတွေကနေကောက်ညင်းထုပ်ခေါင်းရွက်ရောင်းတဲ့အသည်လေးငါးရောက်လောက်ရာက်လာကြပြီဆိုရင်အမြဲလိုလိုတစ်ထုပ်လောက်တော့ဝယ်စားကြသေးတယ်။မလွှတ်တမ်းအားပေးတာနော။လာရောင်းတဲ့အပျိုမလေးတွေကိုပိုးရင်းပမ်းရင်းပွားရင်းဝယ်စားသူကလည်းတမျိုးပေါ့။နောက်နေ့တွေမှာလည်းတွေ့ဖို့ဆိုပြီးအကြံဆိုးကြီးနဲ့အကြွေးဝယ်လည်းဟိုကရုံကြည်စွာနဲ့အကြွေးရောင်းခဲ့တာပဲ။တောရွာဒလေ့နော..သိပ်ရိုးသားတဲ့ပတ်ဝန်းကျင်းမှာကျွန်တော်ကြီးပြင်းခဲ့ပါတယ်လို့တောင်ကြွားလိုက်ချင်ပါရဲ့။ကိုတော်ချောတွေကကောက်ညှင်ထုပ်ဖိုးကိုရှင်းနေတုန်းရှိသေးတယ်နောက်မှာကဘဝပြောင်းသွားနှင့်ပြီလေ။အသည်လည်းလှည့်ထွက်သွားကောကောက်ညှင်းထုပ်အခွံပဲသူ့ကိုပြန်ဝိုင်းပေးလိုက်ကြတာ။စိတ်ဆိုးတယ်ဆိုတာလည်းမရှိဘူး။တဟားဟားရယ်ကြရင်းမီးပုံလေးကိုအသက်သွင်းလိုက်ရင်းပေါ့။ကာင်းညင်းထုပ်သည်လာပြီးရင်ရွာချင်းကပ်ရက်တစ်ရွာကမုန့်ဟင်းခါးသည်အဒေါ်ကြီးကရောက်လာပြန်ပြီး။ရန်ကုန်တို့လိုမြို့ကြီးတွေမှာလိုအဆာပလာတွေကောင်းကောင်းနဲ့လည်းမဟုတ်ပါဘူး။သူ့အိမ်မှာလုပ်တဲ့မုန့်ဖတ်ရယ်ရိုးရိုးတောကမုန့်ဟင်းခါးဟင်းရည်ဆိုပေမဲ့အဲ့အရသာကိုခုဒီစာရေးနေရင်းကသရေကျလာတုန်းပဲလေ။အဒေါ်ကြီးကဝဝတုတ်တုတ်ဆိုတော့သူရောက်လာလို့ဝယ်စားသူရှိရင်မီးဖိုနဘေးနားမှာဝင်ပြီးခေါင်းရွက်ကိုချ၊မုန့်ဖတ်၅ကျပ်သားနဲ့လား၃ကျပ်သားနဲ့လားစသည်ဖြင့်ရောင်းတာကိုးဗျ။အလေးချိန်ပေါ်မူတည်ပြီးမုန့်ဖိုးယူတာလေ။မြို့တွေမှာလိုတပွဲကို၁၀၀ဆိုသလိုမဟုတ်ဘူး။မုန့်ချိန်တဲ့အလေးတုံးလေးတွေကလည်းစဉ့်အိုးချမ်းပဲ့လေးတွေကိုအပြားလိုက်နဲ့မဝိုင်းမချွန်ပုံစံလေးတွေဇောင်းညီချောမွတ်အောင်သွေးထားတဲ့ဟာလေ။နေ့ခင်ပူအိုင်ချိန်ဆိုမုန့်လက်ဆောင်းကိုတစ်ခါနောက်တစ်ကြောင်းလာရောင်းသေးတယ်။မုန့်စိမ်းပေါင်း..ဆိုပြီးအဝေးကနေကတည်းကအသံကြယ်ကြယ်နဲ့လာပြီးဆိုရင်မီးလှုံလေ့မရှိတတ်တဲ့ကျွန်တော့အဖေကပန်းကန်လေးနဲ့ထွက်လာတယ်ဗျာ။မုန့်စိမ်းပေါင်းလေးဝယ်စားရင်းဘီဘီစီရဲ့မနက်သတင်းတွေကိုပုခက်လေးပေါ်ကနေစီးစိမ်ယူရင်းရေဒီယိုတစ်လုံးနဲ့နားထောင်နေတော့တာပဲ။ဘယ်လောက်အရေးကြီးကြီးသတင်းပြီးမှရေနွေးအိုးလေးကိုင်၊ပေါက်တူးနဲ့ဓါးကိုထမ်း၊လွယ်အိတ်ထဲမှာကရေနွေးပန်းကန်လုံးရယ်ထန်းလျက်ရယ်ဓါးသွေးကျောက်၊လောက်လေးဂွနဲ့လောက်စာလုံးကတော့နေ့တိုင်းပါနေကျဆိုတာကျွန်တော်အလွတ်ရတယ်လေ။ဘာကြောင့်လည်းမမေးနဲ့အဖေ့သားလေ...အဖေ့လိုပဲအချိုကြိုက်တတ်တော့ထန်းလျက်ခဲ(ထညက်)ကိုရှာရင်းလွယ်အိတ်ကိုမွှေနေကျမို့သိတာပါ။တခါတလေနှစ်ယောကသုံးယောက်ကသဘောထားတိုက်ဆိုင်လို့ထန်းဦးရေချိူချိူလေးသောက်ဖို့ထွက်သွားကြရင်မီးပုံမှာလူနည်းနည်းလျော့သွားတတ်တာကလွဲလို့ကျန်တဲ့အချိန်ဆိုလူတော်တော်စုံတယ်ဗျ။မနက်အစောကြီးကတည်းကသတင်းကောအတင်းကောအကုန်ကြားရတဲ့နေရာလေးပေါ။ကျွန်တော့အဒေါ်ကြီးကကျောင်းဆရာမကြီးလေ။အဲဒီတုံးကရွာမှာကလည်တန်းထိပဲရှိသေးတာကိုး။ခုတော့အထက်တန်းဖြစ်နေပြီးလို့ကြားရတာဝမ်းသာစရာပါ။ဆရာမကြီးဆိုပေမဲ့သူသင်တာကသူငယ်တန်းပါ။အသက်ကကြီးပြီးလုပ်သက်ကလည်းရင့်တယ်။အဲဒီတဂွင်လုံးကအရွယ်ရောက်သူတော်တော်များများကသူ့တပည့်တွေလေ။ဒီရွာမှာပဲသူငယ်တန်းကလာတက်ကြရတော့သူနဲ့ပဲကကြီးခခွေးကိုစကြရတာကိုး။အရေးအသားအဆွဲအငင်ကောအသံထွက်ကအစ...စနစ်တကျနဲ့သင်ယူကြရတော့သူတပည့်တော်တော်များများကလက်ရေးတွေလှကြသလိုစာလည်းတော်ကြတယ်ဆိုတာတခြားကျောင်းပြောင်းသွားတဲ့ကျောင်းသူကျောင်းသားတိုင်းလိုလိုအချီးမွမ်းခံကြရပြန်ကော။ကျောင်းကိစ္စတွေမှာပဲဖြစ်ဖြစ်ရပ်ရွာအရေးပဲဖြစ်ဖြစ်မပြီးနိုင်တော့လို့သူစိတ်မရှည်တော့ရင်...ဟေ့...လို့အစပြုပြီးသူဝင်ရှင်းလိုက်မှပြီးသွားတတ်တာလည်းအခါခါ။သူ့မောင်ဦးဖိုးကြိုင်းတစ်ယောက်မီးပုံမှာပဲရာဇဝင်ခင်းနေတာမပြီးတော့ဘူးဆိုရင်လာအော်ထုတ်တော့တာပဲ။ဟဲ့..ဖိုးကြိုင်း...နင်တို့ဟာကအလုပ်လုပ်စားကြအုံးမှာလား...နင်တို့ဟာက..ကရင်စောမွန်းတက်တော့မလုပ်နဲ့လေ...ကရင်စောရှမ်းတောပြန်ဆိုသလိုဖြစ်နေပြီး...စသဖြင့်ပြောတတ်လေ့ရှိတယ်။အမစကားနားထောင်တာများဘယ်လောက်စကားကောင်းကောင်းချက်ချင်းကိုရပ်ချာကနဲလှည့်ပြီးလိမ့်တော့တာပဲ။အဲဒီတော့မှကျွန်တော်တို့တွေလည်းကိုယ်လုပ်စရာရှိတာတွေလုပ်ဖို့တစ်ယောက်တစ်နေရာစီဦးတည်ရာမတူပဲထွက်ခဲ့ကြတတ်တယ်။ခုတော့အချိန်တွေကိုပြန်ရေတွက်တော့၂၅နှစ်ဆိုတဲ့ကာလကိုကျော်ဖြတ်လာပြီးဆိုပေမဲ့မနေ့တနေ့ကလိုပါပဲ။ကိုတွေယောင်္ကျားလေးအချင်းချင်းတောင်အားကျလောက်အောင်ကိုယ်လုံးကိုယ်ထည်တောင့်တင်းအချိုးကျပြေပြစ်ပါတယ်ဆိုတဲ့မောင်တွေတောင်ဆုံးကုန်ပြီးဆိုတာလည်းသိရတယ်။အတန်းထဲမှာစာတော်ပါတယ်ဆိုသူတွေကလည်းရပ်ရွာဝန်းကျင်မှာပွဲစားရောင်ရောင်နဲ့အလုပ်မရှိပဲသူခိုးသဝက်ဘဝနဲ့ဘဝပျက်နေကြတာလည်းကြားလိုက်ရတော့စိတ်မကောင်းမိဘူး။ရွာမှာမောင်ရေခဲလို့ခေါ်ရလောက်အောင်ကိုအေးဆေးပြီးရိုးသားသူကလည်းရွာကလုပ်အားခလေးနဲ့မလောက်လို့ရန်ကုန်တက်အလုပ်လုပ်ရာကနေအကျင့်စာရိတ္တပျက်အိမ်ထောင်ကလည်းအဆက်ဆက်နဲ့သူတို့အသိုင်းအဝိုင်းကတောင်စွန့်တယ်ဆိုတာကြားသိရတော့ရင်ထဲမှာဆို့သွားသလိုပဲခံစားရပါတယ်။ကျောင်းနေဘက်သူငယ်ချင်းအရင်းခေါက်ခေါက်တစ်ယောက်ပေါ့၊တစ်ခုံတည်းအတူထိုင်ရည်း၊အထက်တန်းကျောင်းတွေပြောင်းတော့လည်းအတူတူပဲ၊ရည်းစားလုဘက်လည်းဖြစ်ခဲ့တဲ့သူငယ်ချင်းတစ်ယောက်လည်းဘဝကူးမလှသွားဘူးတဲ့။ရွာဘက်တွေမှာသူ့မိဘတွေကနဲနဲပြေလည်တော့အလိုလိုက်ထားပေးတာအချင်းချင်းမို့ကျွန်တော်သိတာပါ။သုံးနိုင်စွဲနိုင်တယ်။အထက်တန်းမပြီးပဲပျောက်သွားတာတော်တော်ကြာတယ်။နောက်တော့ရွာပြန်ရောက်လာပြီးသိပ်မကြာခင်ပဲ၎လုံးရောဂါနဲ့ဘဝဆုံးသွားရရှာပြန်သတဲကကွယ်။ချို့ကလည်းကျောင်းဆရာမတွေဖြစ်နေ၊တချို့ကတော့မြို့ပေါ်တက်ဘဝကိုကြိုးစားလို့ကုမ္ပဏီတွေမှာလူကြီးပိုင်းတွေဖြစ်နေပြန်ကော။တချိ့ကပွဲရုံလုပ်တယ်၊တချို့ကတော့ပြည်ပရောက်နေကြတယ်လို့သိရပြန်ကော။ခေတ်စနစ်မကောင်းလို့ကမောက်ကမတွေဖြစ်တယ်ပဲပြောရလား၊ကံကံ၏အကျိုးနဲ့ဘဝသံသရာမှာနေ့မြင်ညပျောက်လို့ပဲဖြေသိမ့်ရမလားမသိတော့ပါဘူး။ကိုယ်တိုင်ပဲအသက်ကိုညာဏ်စောင့်ဆိုသလိုပဲပြောပြော၊ပျက်အစဉ်ပြင်ခဏဆိုသလိုဆိုးတဲ့ဘဝကနေဆင်ခြင်တတ်လာသူဆိုတော့သေရမှာတော့ကြောက်သေးတယ်ဗျ။ကျွန်တော်လည်းရေကြည်ရာမျက်နုရာဂွင်ရှာရင်းခုလိုဆီးနှင်းတွေကျလိုက်၊ရေခဲတွေကျလိုက်၊နေပူလိုက်၊တော်နယ်ဒို(လေဆင်နမောင်း)တွေဝင်မွှေလိုက်နဲ့အပူအအေးအပြောင်းအလဲများတဲ့ဒေသတခုကိုဘယ်လိုရောက်လာမှန်းတောင်မသိတော့ပါဘူး။ဘယ်ကိုပဲရောက်ရောက်အေးလာချမ်းလာလို့တိုက်ဆိုင်လိုက်တိုင်းကျွန်တော့်ရွာနဲ့မီးပုံလေးကိုပြန်ပြန်သတိရနေမိတော့တယ်ဗျာ။(လူချစ်လူခင်)
No comments:
Post a Comment